Die liggaam van Christus is 'n medewerkende organisme wat bestaan uit baie lede, elkeen met sy eie verskillende funksie wat 'n bydrae lewer tot die opbouing van die Liggaam. Die Heilige Gees rus elke persoon toe met spesifieke gawes om te spesialiseer in die bediening. Hierdie gawes is nie natuurlike talente of menslike talente nie maar is die openbaring van die Heilige Gees deur die mens. Ons moet kan onderskei tussen die gawes van die Heilige Gees en natuurlike gawes. Natuurlike gawes is verstandelike talente wat oorgeërf word, maar die gawes van die Heilige Gees word deur God gegee, deur die Heilige Gees. Dit kan nie oorgeërf word nie. Die hoofdoel van hierdie gawes is om die lede van die Liggaam van Christus te bedien.